Dard Aye Ga Dabby Paaon

Dard Aye Ga Dabby Paaon

Aur kuch hi dair main, jub phir meray dil ko
Fikr aa lay gee keh tanhai ka kia chara kare
Dard aaye ga dabay paon, liye surkh charagh
Woh jo ik dard dharakta hai kahin dil say purey

Shola-e-dard jo pehloo main lapak uthay ga
Dil ki deewar pe her naqsh damak uthay ga

Halqa-e-zulf kaheen, gohsa-e-rukhsar kaheen
Hijr ka dasht kaheen, gulshan-e-deedar kaheen
Lutf ki baat kaheen, pyar ka iqrar kaheen

Dil se phir ho gee mari baat keh ae dil ae dil
Yeh jo mehboob bana hai teri tanhai ka
Yeh to mehmaan hai ghari bhar ka, chala jaye ga
Is say kabb teri museebat ka madawa ho ga
Mushtail ho kay abhi uthain gay wehshi saayee
Yeh chala jaye ga, reh jain gay baqi saayee
Raat bhar jin say khoon kharaaba ho ga
Jang thehri hai koi khail nahin hai ae dil
Dushman-e-jaan hain sabhi, saray ke saray qatil
Yeh kadhi raat bhi, yeh saaye bhi, tanhai bhi
Dard aur jang main kuch mael nahin hai aee dil
Lao, sulgao koi josh-e-ghazab ka angaar
Taish ki aatish-e-jarrar kahan hai lao
Wo dehkta hua gulzaar kahan hai lao
Jis main germi bhi hai, harkat bhi, tawanai bhi

Ho na ho apnay qabeelay ka bhi koi lashkar
Muntazir ho ga andhairay ki faseelon ke udhar
Un ko sholon kay Raqs apna pata to dain gay
Khair, hum tuk wo na pohonchay bhi, sada to dain gay
Dur kitni hai abhi subh, bata to dain gay

--
Aap hamari sites ko jarur dekhen

1-http://shero-shyeri.blogspot.com/
2-http://fun-mazza-masti.blogspot.com/
3-http://indianmirchmasala.blogspot.com/
4-http://deckstopwallpaper.blogspot.com/
5-http://fun-only-fun-raj.blogspot.com/
6-http://horar-fantency.blogspot.com/
7-http://hindijokeshayari.blogspot.com/

(¨`·.·´¨) Always
`·.¸(¨`·.·´¨) Keep Loving &
(¨`·.·´¨)¸.·´ Keep Smiling !
`·.¸.·´ -- raj --