uski nigah bhi to dekh jisne

koi dawa na de sake, mashwara dua diya
charagaron ne aur bhi dil ka dard barha diya

zauq-e-nigah k siwa shauq-e-gunah k siwa
mujhko Khuda se kya mila mujhko buton ne kya diya

thi na khizan ki rok-tham daman-e-ikhtiyar mein
hamne bhari bahar mein apna chaman luta diya

husn-e-nazar ki abaru sanat-e-brahaman se hai
jisko sanam samajh liya usko Khuda bana diya

dag hai mujhpe ishq ka mera gunah bhi to dekh
uski nigah bhi to dekh jisne ye gul khila diya