Posts
kuch peechey ruk gaey to kuch aagey nikal gaey
haalaat ki dhoop zaraa si deir ko teiz kya hui
jitney wafaa ke peikar they saarey pighal gaey
waadoN ke taarey raatoN sey baahar na jaa sakey
iraadoN ke din nikalney sey pehley hi dhal gaey
wafaaoN ke rang shabnam ke qatroN ney dho deeye
mohabbat ke phool jazboN ki shiddat sey jal gaey
taanon ke teer dunya ki kamaanon pe jab charrhey
sabar ke daaman haathon sey ya kadam phisal gaey
aankhein khulein to khaabon ko bura laga magar
kuch deir wo reh ke muztarib khud hi behal gaey
pehley pehal to ajeeb lagey badley huwey chehrey
phir yun huwa ke waqt ke saath hum bhi sambhal gaey
Bollywood news, movie reviews, film trailers and more! Go to http://in.movies.yahoo.com/
No comments:
Post a Comment