Kehnay Ko Muhabbat hai lakin

Kehnay Ko Muhabbat hai lakin

Ab aesi muhabbat kya karenge

Jo neend chura ley ankhon se

Jo khawab dikha ye pholon k

Tabeer main kantay de jaye

Jo gham ki kali raaton se

Her aas ka jugnu ley jaye

Jo khawab sajati ankhon ko

Aansu hi aansu de jaye

Jo mushkil ker de jeenay ko

Jo marnay ko asaan karay

Woh dil jo Pyar ka mandir ho

Wo yadoon ko mehman kare

Ab Aisi Muhabbat kya karni…

Jo umer ki naqdi ley jaey

Aur phir bhi jholi khali ho

Woh soorat DIL ka rog Bana

Jo soorat dekhi bhaali ho

Jo Qais bana de Insan ko

Jo Ranjha Aur Farhad karay

Ab Aisi Muhabbat kya karni..?

Jo khushiyon ko Barbad kare

Dekho to Muhabbat k Baray

Har shakhs yahi kuch kehta hai

Socho to Muhabbat k Ander

Ik Dard humesha rehta hai

Phir Bhi Jo cheez MUHABBAT hai

Kab In baaton se Darti hai

Kab in k baandhay rukti hai

Jis DIL main iss ko Basna ho

Yeh Chupkay say Bas jati hai

AB AISI MUHABBAT KIA KARENGE