ham geet pyar ke gate hen-लव शायरी

ham geet pyar ke gate hen

ham kranti bigul bajate hen

parivartan ke agradoot ham

pani me aag lagate hen

jab jab dharti ka man gira

aur bebas ka iman gira

maryada ka cheer ke daman

bhukhe ka iman gira

tabhi sabda ka tarkas lekar

satta se takrate hen

ham geet pyar ke gate hen

dharm bana manav ka bandhan

swarth hua mathe ka chandan

jaharili pachhua bayaron se

hota he bagiya men krandan

kale megha kajrare ham

jeevan jal barsate hen

ham geet pyar ke gate hen

ham harishchandra hen satyug ke

aur ghatghatwasi ram hen

geeta ka sandesh sunate

hamin swayam ghanshyam hen

manavata hit jahar ko peekar

swayam shanker ban jate hen

ham geet pyar ke gate hen

ham kanton ke meet purane

har aansu se preet he

ramte jogi bahate pani

yahi hamari reet he

mita vishamata ke jangal ko

pyar ka phool khilate hen

ham geet pyar ke gate hen

ham gurukur hen sandipani ke

rankaushal men balram hen

is srasti ke jeevandata

hamin subhah aur sham hen

mita nafrat ke andhere ko

prem ka bhor ugate hen

ham geet pyar ke gate hen

ham geet pyar ke gate hen

jab hans chale bagule ki chal

aur nafrat ke jale masal

bhaichare ko dafnakar

pyar bane bazaru maal

kabira ki bani ban jagko

ham fatkar lagate hen

ham geet pyar ke gate hen