mom kii zindagii ghulaa karanaa

mom kii zindagii ghulaa karanaa
kuchh kisii se na tazakaraa karanaa

meraa bachapan thaa aa_iine jaisaa
har khilaunaa kaa muu.N takaa karanaa

cheharaa cheharaa merii kitaabe.n hai.n
pa.Dhane vaalo mujhe pa.Dhaa karanaa

ye rivaayat bahut puraanii hai
nii.nd me.n ret par chalaa karanaa

raaste me.n ka_ii khaNDar ho.nge
shah-savaaro vahaa.N rukaa karanaa

jab bahut ha.Ns chuko to chehare ko
aa.Nsuo.n se bhii dho liyaa karanaa

phuul shaaKho.n ke ho.n ki aa.Nkho.n ke
raaste raaste chunaa karanaa