Tujhe kaya kahoon main aye zindagi,

Tujhe kaya kahoon main aye zindagi,

teray aik pal ki khabar nahi
Main yaqeen karoon bhi to kis tarhan,

teri shab ki koi sehar nahi
Meri khawishoon ka ye silsila

hai kahan talak ye khabar nahi
Ye safar saadii pay muheet hai,

meri umar aik pehar nahi

Jahan aagahi k na jaal hoon,

wahan wahshatoon k zikar nahi
Yahan aagahi bhi azab hai,

tujhay Aah ye bhi khabar nahi
Main shumar-e-ghum karoon kis tarah,

mere pass aisa hunar nahi
Mera aaj hai sitam aashna,

mujhay kal say koi mafar nahi

Jahan do ghari ka sukoon milay,

teri raah main woh shajar nahi
Main thakan se choor hoon is qadar,

koi saya had-e-nazar nahi
Woh jo ashk-e-khoon say ho aashna,

kaheen aisa deeda-e-tar nahi
Meray dil se barh k jalla ho jo,

yahan koi aisa jigar nahi

Teri kaj aadai, sitam gari,

koi ye batayea kidhar nahi
Tou hai baywafaiee ki dastaan,

gila tujh se koi magar nahi
Tujhay chorna hai tou choor day,

mujhay mout ka koi dar nahi
Woh andhair nagri hai gar koi,

ye bhi rahaton ka dagar nahi.....!!

--
Aap hamari sites ko jarur dekhen

1-http://shero-shyeri.blogspot.com/
2-http://fun-mazza-masti.blogspot.com/
3-http://indianmirchmasala.blogspot.com/
4-http://deckstopwallpaper.blogspot.com/
5-http://fun-only-fun-raj.blogspot.com/
6-http://horar-fantency.blogspot.com/
7-http://hindijokeshayari.blogspot.com/

(¨`·.·´¨) Always
`·.¸(¨`·.·´¨) Keep Loving &
(¨`·.·´¨)¸.·´ Keep Smiling !
`·.¸.·´ --  raj --